Azərbaycan Dövlət Neft Şirkətinin (SOCAR) “Azəriqaz” İstehsalat Birliyində kadr dəyişikliyi olub. Bu barədə ONN media -ya “Azəriqaz”dan məlumat verilib. Bildirilib ki, Baş direktor Ruslan Əliyevin imzaladığı əmrlərlə Fariz Rza oğlu Məmmədov digər işə keçməsi ilə əlaqədar olaraq “Azəriqaz” İstehsalat Birliyinin Şəmkir Regional Qaz İstismarı İdarəsinin rəisi vəzifəsindən azad olunub. Bu vəzifəyə Zaur Ləyaqət oğlu Məmmədov təyin edilib. Z.Məmmədov bu təyinata qədər Bakı Regional Qazın Satışı Departamenti rəisinin Xəzər rayon xidmət sahəsi üzrə müavini vəzifəsində çalışıb.