Ümumdünya Səhiyyə Təşkilatının rəsmisi Sumya Svaminatan iynəsiz və otaq temperaturunda saxlanıla bilənlər daxil olmaqla, yeni tip koronavirus peyvəndlərinin bu il və ya gələn il istifadəyə hazır ola biləcəyini açıqlayıb. ONN media  xəbər verir ki, alim qeyd edib ki, 6-8 yeni peyvəndin kliniki sınaqları ilin sonuna qədər tamamlanacaq və tənzimləyici araşdırmalardan keçəcək. COVID-19 virusunun milyonlarla insanın ölümünə səbəb olduğunu söyləyən S.Svaminatan vaksinasiyanın epidemiyanı sona çatdırmaq üçün vacib olduğunu bildirib.

“Bloomberg”in hesabatına görə, dünyada müxtəlif şirkətlər tərəfindən 300 milyon dozadan çox yeni növ koronavirus peyvəndi tətbiq olunub və peyvəndlə əlaqəli ölümlər aşkarlanmayıb.