"Jara" beynəlxalq musiqi festivalı pandemiya səbəbilə təxirə salınıb.

Bu barədə Xalq artisti Emin Ağalarov instaqramda video müraciət yayıb. O bildirib ki, "Jara"nın yubiley konserti Moskvada keçiriləcək. İyunun 23-dən 27-dək keçiriləcək musiqi festivalında 250 məşhur çıxış edəcək.

Emin onu da vurğulayıb ki, gələn il ilk dəfə "Miss Jara" keçirməyi planlaşdırır. Bundan başqa, müğənni "Jara"nın model agentliyini açmağı düşünür.

Qeyd edək ki, "Jara"nın Bakıda iyulun sonu, avqustun əvvəlində keçirilməsi planlaşdırılmışdı. Ötən il də festivalın yubiley tədbiri pandemiyaya görə təxirə salınmışdı.