“Macarıstan Türk Şurası ölkələri ilə münasibətlərini strateji səviyyəyə qaldırmaq istəyir”. ONN media  xəbər verir ki, bu sözləri Macarıstanın Baş naziri Viktor Orban martın 31-də Türk Dövlətləri Əməkdaşlıq Şurasının videokonfrans formatında keçirilən Zirvə görüşündə söyləyib. Baş nazir bu yaxınlarda Özbəkistanla əhəmiyyətli bir razılaşma etdiklərini və Qırğızıstanda səfirlik açacaqlarını ifadə edərək, “Məqsədimiz əlaqələrimizi Türk Şurası ölkələri ilə strateji səviyyəyə qaldırmaqdır” deyib. V.Orban, Türk İnvestisiya Fondunun yaradılması ilə bağlı Özbəkistan Prezidentinin təklifini dəstəkləyərək Macarıstan tərəfinin bunun üçün lazımi büdcəni ayırmağa hazır olduqlarını bildirib.