Bakıda avtomobillərin evaksuasiyası üçün istifadə edilən evakuatorların yollarda təhlükəli vəziyyət yaratması adi hala çevrilib.

Videobloqqer Kənan Dalğa evakuatorun təhlükəli hərəkətini əks etdirən növbəti videonu yayıb. Videodan görünür ki, evakuator sürücüsü nəqliyyat vasitəsini çox yüksək sürətlə hərəkət etdirir və yolun əks hərəkət zolağına çıxır. Bu zaman qoşa xəttin üzərində dayanaraq yolu keçməyə çalışan piyadanı vurmaqdan son anda yayınan evakuator sürətlə hərəkətini davam etdirir.