Ermənistan polisinin viza-pasport idarəsi Vaaqn Çaxalyana növbədənkənar seçkidə iştirak üçün ərizə verməkdən imtina edib. ONN media  xəbər verir ki, bu məlumatı Çaxalyanın Zartonk Milli Xristian Partiyası yayıb. Buna səbəb kimi son dörd ildə onun paralel vətəndaşlığı göstərilib. Qeyd edək ki, Çaxalyan əslən Cavaxetiyadandır. O, Saakaşvili dövründə separatçılıq fəaliyyətinə görə həbs edilib və həbsdən çıxdıqdan sonra ölkəni tərk edərək, İrəvana gəlib. II Qarabağ müharibəsi dövründə Çaxalyan Azərbaycana qarşı aktiv döyüş fəaliyyətlərində iştirak edib.