Yaxın aylarda "Android" tərtibatçılarını böyük dəyişikliklər gözləyir.

ONN media  xəbər verir ki, bu barədə "Technote" məlumat yayıb.

Belə ki, hamıya yaxşı tanış olan APK formatı (Android Package) artıq keçmişdə qalacaq. Onu "Android App Bundle" (AAB) formatı əvəzləyəcək. Bu yeni format adi istifadəçilər üçün bir sıra üstünlüklər təqdim edəcək.

"Android App Bundle" formatı hələ 2018-ci ildə "Android 9" ilə birlikdə təqdim olunmuşdu. Bu, tərtibatçıların işlərini qat-qat asanlaşdıracaq. Belə ki, tərtibatçılar öz tətbiqlərini müxtəlif smartfon modelləri üçün fərdi şəkildə optimizasiya etməyəcəklər. Bu proses "Google Play" tərəfindən tamamilə avtomatlaşdırılacaq.