3 ilə yaxındır musiqiçi kimliyimdə bir təkamül baş verib, elektronik musiqi dünyasına daxil olmuşam. Bu dünyaya ayaq basmaq mənim üçün uzun bir yolçuluq idi. Gecə-gündüz davam edən araşdırmalar, məşqlər, hazırlıqlar, yoxlamalar və nələr-nələr.

ONN media bildirir ki, bu sözləri Rusiyaya köçən müğənni Çingiz Mustafayev instaqramda yazıb.

İfa janrını dəyişən sənətçi özünə yeni səhnə adı seçib: “Heç bir zaman limitlər çərçivəsində yaradıcılıqla məşğul olmağı, düşünməyi sevməmişəm. Hər zaman limitlərin üzərində hərəkət etmişəm. Çərçivələri qırmaqdan mənəvi zövq almışam. Yolun başında olduğumu düşünsəm də, artıq özümü hazır hiss edirəm.

Elektronik musiqiçi kimi artıq qarşınızdayam və sizinlə yeni səhnə təxəllüsüm olan Rumini paylaşmaq istərdim. Bu, mənim musiqiçi kimliyimin “alter eqo”sudur. Musiqiçi kimliyimin içində məndən başqa bir mən var. Bu mən Rumidir. Məqsədlərim, planlarım böyükdür”.(publika.az)