ABŞ Ümumdünya Səhiyyə Təşkilatının (ÜST) koronavirus pandemiyası ilə bağlı çağırışına rədd cavabı verib.

ONN media xəbər verir ki, peyvənd  paylanılmasındakı ədalətsizliyi aradan qaldırmaq üçün ÜST zəngin ölkələrə vaksinasiyanın üçüncü dozasını təxirə salmağı təklif edib.

Ağ Ev sözçüsü Yen Psaki ÜST-ün çağırışının yanlış seçim olduğunu düşündüklərini deyib. Sözçü bildirib ki, ABŞ lazım gələrsə, həm peyvənd dəstəyi göstərə, həm də 3-cü dozanı vura bilər.

Psaki həmçinin ABŞ-ın aşağı gəlirli ölkələrə əlavə 500 milyon doza peyvənd göndərəcəyini söyləyib. Ağ Ev rəsmisi hər iki variantı reallaşdıra biləcəkləri üçün seçim etməyə ehtiyac duymadıqlarını deyib.