Məlum olduğu kimi notariatın rəqəmsal transformasiyası çərçivəsində mobil tətbiqlər üzərindən əhaliyə yeni xidmətlər təqdim olunur.

Qeydiyyat və notariat baş idarəsinin əməkdaşı Zaur Həsənov bildirib ki, 120 minə yaxın istifadəçisi olan "Mobil notariat" tətbiqində müxtəlif növ etibarnamələrin verilməsi və onların ləğv edilməsinin, uşaqların ölkədən getməsinə dair valideynlərin, habelə əmlaka sərəncam verilməsi, yaşayış yeri üzrə qeydiyyata alınması barədə mülkiyyətçilərin razılıq ərizələrinin videoyazı vasitəsilə rəsmiləşdirilməsi xidmətləri təşkil edilib və bu tətbiq üzərindən aparılan notariat hərəkətlərinin gündəlik sayı 400-ü keçib.

Onun bildirdiyinə görə, yaxın zamanda uşaqların pasport almasına dair valideynlərin razılıqları, habelə səyyar notariat xidmətlərin sifarişi kimi yeni xidmətlərin istifadəyə verilməsi nəzərdə tutulur.