Radikal "Taliban" hərəkatı Əfqanıstanın şərqindəki Nangarhar əyalətinin inzibati mərkəzi olan Cəlalabad şəhərini nəzarətə götürüb.

ONN media  xəbər verir ki, bu barədə "Reuters" agentliyi ələ keçirilmiş şəhərdəki Əfqanıstan rəsmisinə istinadla məlumat yayıb .

Onun sözlərinə görə, hazırda Cəlalabadda toqquşmalar baş vermir, çünki qubernator "taliblər"ə təslim olub. O, bu addımı şəhərin mülki insanların həyatını xilas etmək üçün atıb.

Qeyd edək ki, ABŞ Əfqanıstanda hərbi əməliyyatların bitdiyini və qoşunların geri çəkilməsinin başladığını elan etdikdən sonra, "Taliban" hökumət qüvvələrinə qarşı hücuma keçib.

Müxtəlif mənbələrə görə, radikallar İran, Çin, Pakistan, Tacikistan və Türkmənistanla sərhəd bölgələr də daxil olmaqla Əfqanıstan ərazisinin 90%-ni nəzarətdə saxlayır.(publika.az)