"Taliban" hərəkətı Əfqanıstanın Pəncşir əyalətini tamamilə ələ keçirib.

ONN media  xəbər verir ki, bu barədə hərəkatın sözçüsü Zabihullah Mücahid "Twitter"də paylaşım edib.

"Muzdlu düşmənin son qalası - Pəncşir vilayəti tamamilə fəth edildi.
Uca Tanrının köməyi və xalqımızın dəstəyi ilə, ölkədə tam təhlükəsizlik üçün edilən son səylər də nəticə verdi və Pəncşir əyaləti İslam Əmirliyinin tam nəzarətinə keçdi.

Vilayətdəki üsyançılardan və qiyamçılardan bəziləri məğlub oldu, qalanları isə məzlum və şərəfli Pəncşir xalqını tərk edərək qaçdı.
Pəncşir Şarif xalqının heç bir şəkildə ayrı-seçkiliyə məruz qalmayacağına əminik. Hamısı bizim qardaşlarımızdır. Bir ölkə və bir məqsəd üçün birlikdə xidmət edəcəyik.

Bu qələbə və son səylə ölkənin qalan hissəsi tamamilə müharibədən çıxacaq. Ölkəmiz azadlıq, müstəqillik, firavanlıq mühitində dinc və firavan bir həyata qovuşacaq. Allah razi olsun!", - məlumatda deyilir.