Yardımlıda şəhid ailəsinin narazılıq etdiyi məsələyə aydınlıq gətirilib.

ONN media  xəbər verir ki, Yardımlı Rayon İcra Hakimiyyəti məsələ ilə bağlı açıqlamaya yayıb.

“Bildiririk ki, video-materialda adı qeyd olunan şəhidin ata və anası vəfat etdiyi üçün ona fərdi yaşayış evinin tikilməsi Əmək və Əhalinin Sosial Müdafiəsi Nazirliyinin qərarına əsasən məqsədəmüvafiq hesab edilməmişdir. Video-materialda çıxış edən şəhidin qardaşı Köryədi kənd sakini Baloğlanov Kamil Mirzəsən oğlu 2013-cü ildə fərdi yaşayış evi tikmək üçün torpaq sahəsinin verilməsi ilə bağlı RİH-nə müraciət etmiş və ona Kilağori adlı sahədən 0.07 ha torpaq sahəsi verilmişdir. K.Baloğlanoov 2015-ci ildə həmin torpaq sahəsini Yardımlı şəhər sakininə pul müqabilində satmışdır. Kamil Baloğlanovun evin qəzalı olması ilə bağlı RİH tərəfindən baxış keçirilmiş evinin fiziki köhnəlmədən qismən qəzalı olması ilə bağlı vətəndaşa izah olunmuşdur” – Yardım Rayon İcra Hakimiyyətinin yaydığı məlumatda bildirilib.