"İranın nüvə proqramı üzrə Birgə Hərtərəfli Fəaliyyət Planının (JCPOA) bərpası üçün diplomatik həll yolları üçün imkanlar qalır, lakin vaxt tükənir".

Bu barədə çərşənbə axşamı Böyük Britaniyanın Baş naziri Boris Conson israilli həmkarı Naftali Bennetlə telefon danışığında bildirib.

“Liderlər İranın nüvə proqramı ilə bağlı Vyanada davam edən danışıqları müzakirə ediblər”, - Britaniya baş nazirinin ofisinin bəyanatında deyilir.

Conson deyib ki, Böyük Britaniya Vyana danışıqlarının JCPOA-nın tam bərpasına gətirib çıxarmasını istəyir:

"Lakin İranın ən yaxşı niyyətlə işləməsinə ehtiyacımız var. Diplomatiyanın qapısı açıqdır, lakin razılığa gəlmək üçün vaxt tükənir".

Qeyd edək ki, dekabrın 27-də Vyanada JCPOA-nın ilkin formasını bərpa etmək və ABŞ-ı bu çoxtərəfli sazişə qaytarmaq məqsədi ilə danışıqların səkkizinci raundu başlayıb.