ONN İnformasiya Agentliyi

Mahir Emreli “Sevilya”ya qarşı oynaya biləcək

Mahir Emreli “Sevilya”ya qarşı oynaya biləcək
3-02-2022, 15:18

Azərbaycan millisinin futbolçusu Mahir Emrelinin UEFA Avropa Liqasında Zaqreb “Dinamo”sunun heyətində çıxış etməklə bağlı problemi olmayacaq.

ONN media xəbər verir ki, 24 yaşlı hücumçunun sifarişi son gündə verilib.

Avrokuboklarda mübarizəni davam etdirən klublar fevralın 2-dən 3-nə keçən gecə Bakı vaxtı ilə saat 03:00-a qədər yeni oyunçularını sifariş edə bilər. Hər kluba iştirak ərizəsi üçün yalnız 3 yeni futbolçu sifariş etmək hüququ verilir.

Xorvatiya çempionu isə qışda Mahir Emrelidən başqa, Petar Boçkayı “Osiyek”dən, Mario Çujeni “Dnepr-1”dən (icarədən qayıdıb) heyətinə qatıb. Hər üç futbolçu sifariş olunub.

Qeyd edək ki, “Dinamo” Avroliqanın 1/16 finalında bu turnirin ən çox qalibi olan İspaniyanın “Sevilya” komandası ilə qarşılaşacaq. Onların arasında pley-off matçları fevralın 17-si və 24-də keçiriləcək. İlk matç Sevilyada, cavab oyunu isə Zaqrebdə baş tutacaq.

OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png