SƏNƏ GÖRƏ

• Bilirsən ki bu həyatı yaşayıram mən eşqinlə,
• Sətirlərə köçürürəm duyğuları sənə görə
• Üzümdəki təbəssümüm aşiqdi bir kəlmənə,
• Daşımaq çox xoşdur mənə qayğıları sənə görə
•  
• Gör nə gözəl sevgi ilə biz birləşib ailə olduq,
• Çox şükür ki səadəti yaşayıram Sənə görə
• Sevənlərə örnək olub, bir canda tək ürək olduq,
• Sevincimə sığal çəkib, oxşayıram sənə görə
•  
• Könlüm hər an xoş səsinə, o saf sevginə möhtacdır,
• Xoşbəxtliyi, səadəti sənə verdim sənə görə
• Gözlərimdə yanan işıq, "can" kəlmənlə şölələnsin,
• Nəğmə dolu, şeir dolu ömür sürüm Sənə görə
•  
• Sənsən əsl məhəbbəti qəlb evimə həkk eyləyən,
• Nur saçdığın evimizdə işıq yanır sənə görə
• Tanrının dərgahında eşq sarayın mənəm tikən,
• Ürəyim də səadətə çox inanır Sənə görə
•  
• Qoyma ömrüm uzaq qalsın varlığından bircə an da,
• Neçə şeir yazsam inan bil ki azdı sənə görə.
• Mən Məcnuna qismət yazdı, Sən Leylini tanıyanda,
• Xoş günləri taleyimə Tanrı yazdı sənə görə.

NADİR QÜDRƏTOĞLU

https://www.youtube.com/watch?v=jlH6qx1E67g