Qaradağ rayonunda şəhid ailələri və qazilərlə Novruz bayramı qeyd edildi.

ONN media xəbər verir ki, 18 mart 2022-ci ildə Qaradağ rayonunun Sahil qəsəbəsində  " Azərbaycan tarixinin şanlı səhifələrini qanı ilə yazanlar " layihəsi çərçivəsində şəhid ailələri, qazilər və rayon ictimaiyyəti nümayəndələri ilə görüş keçirilmiş və Novruz bayramı şənliyi qeyd edilmişdir.

Tədbir Qaradağ Rayon İcra Hakimiyyəti, Yeni Azərbaycan Partiyası Qaradağ Rayon Təşkilatı, Gənc Politoloqlar Mərkəzinin təşkilatçılığı və Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin maliyyə dəstəyi ilə baş tutmuşdur.   Lahiyə çərçivəsində " Qaradağ Rayon Üzrə İkinci Qarabağ – Vətən Müharibəsi Şəhidlərimiz " adlı kitabça  tədbir iştirakçılarının hər birinə paylanmışdır.

Kitabçada 44 günlük Vətən müharibəsi zamanı həlak olmuş Qaradağ rayon ərazisində yaşayan şəhidlərimiz  haqqında qısa məlumat verilir. Tədbirdə Qaradağ Rayon İcra Hakimiyyətinin Hümanitar və İctimai-siyasi məsələlər üzrə şöbə müdiri, 91-lərin və YAP Ağsaqqallar Şurasının üzvü Munis Bayramov, Yeni Azərbaycan Partiyası Qaradağ Rayon Təşkilatının sədri Qafar Əliyev, Milli Məclisin üzvü  Səbinə Xasayeva, Azərbaycan Respublikasının Qeyri-Hökümət Təşkilarlarına  Dövlət Dəstəyi Agentliyinin əməkdaşı Ülkər Süleymanova və şəhid ailələrinin üzvləri, qazilər: Elxan Məmmədov, Vaqif Cəbrayılov və başqaları çıxış etmişlər.
Tədbirin bədii hissəsində Qaradağ rayonu  Sahil Qəsəbəsi 228 saylı tam orta məktəbin direktor müavini Cəmilə xanım Nuqrəzadə Novruz Bayramı ilə əlaqədər şeirlər  söyləyib, həmin məktəbin bədii özfəaliyyət kollektivinin və 5 saylı İncəsənət Məktəbinin kollektivinin  iştirakı ilə mahnılar oxunub. Aşıq Seyid Xanların ifasında saz havaları səsləndirilib. Tədbirin sonunda şəhid ailələri, qazilər və digər iştirakçılar üçün bayram hədiyyələri paylanıb.

Qeyd edək ki, həmin layihə çərçivəsində növbəti tədbirlərin keçirilməsi Qaradağ rayonunun  Qobustan və Ələt qəsəbələrində nəzərdə tutulmuşdur.
İlkin Əliyev - Gənc Politoloqlar Mərkəzinin sədri