Ukrayna hava məkanının böyük hissəsinə nəzarəti əlində saxlayır, Rusiya isə Ukrayna Hərbi Hava Qüvvələrini effektiv şəkildə məhv edə və ya ölkənin hava hücumundan müdafiə sistemini sıxışdıra bilməyib. 

Bu barədə Britaniya Müdafiə Nazirliyinin kəşfiyyat icmalında deyilir.

İcmalda qeyd olunub ki, Rusiya aviasiyası əsasən Ukraynanın cənubunda və şərqində cəmləşərək Rusiya quru qoşunlarına dəstək verir. Məlumata görə, Rusiyanın Ukraynanın şimalına və qərbinə hava çıxışı çox məhduddur, hücum əməliyyatlarını uzaqdan silahlarla dərin zərbələrlə məhdudlaşdırır.

Bildirilib ki, Ukrayna Rusiya təyyarələrini risk altında saxlamaqda davam edir: “Rusiya Ukraynanın hərbi obyektlərinə və ölkə daxilində logistika infrastrukturuna zərbələr endirməkdə davam edir”.

Rusiya hava hücumlarının əksəriyyətinin Mariupola sərbəst düşən idarə olunmayan bombalar olması ehtimalı var. 

Əvvəllər Rusiya qoşunlarının əsasən neft anbarlarını atəşə tutduğu, yanacaq tədarük zəncirlərini məhv etməyə çalışdığı bildirilirdisə, indi onlar strategiyalarını dəyişiblər.

Britaniya kəşfiyyatının məlumatına görə, dəmir yollarını həm qərbdən şərqə, həm də əksinə atəşə tutmaqla ruslar təkcə Ukrayna ordusunun təchizatını məhv etməyə deyil, həm də Ukraynanın ixracını pozmağa çalışırlar.