Azərbaycan Respublikası Təhsil Nazirliyinin dünən keçirdiyi müəllimlərin işə qəbulunun riyaziyyat fənni üzrə olan imtahanında istifadə olunmuş sualların imtahandan öncə bəzi iştirakçılara müəllif ekspert tərəfindən göndərilməsi barədə çoxsaylı müraciətlər var.

ONN media xəbər verir ki, bu barədə təhsil eksperti Kamran Əsədov Feysbuk səhifəsində məlumat yayıb.

Ekspert faktın təsdiqlənəcəyi halda bunun böyük qalmaqal doğuracağını bildirib:

“Bir sual belə, öncədən göndərilibsə, sizə söz verirəm, bütün təşkilatçıların, o özü-özünü yoxlamağa gələn də daxil olmaqla, istefasını təmin edəcəyəm. Heç kəsin kiminsə taleyi ilə oynamaq hüququ yoxdur”, - o bildirib.