Rusiya-Ukrayna savaşında Qərbi dəstəkləyən və Moskvaya qarşı bir sıra sanksiyalar tətbiq edən Tokio Moskvadan bunun "cavabını" alıb.

ONN media xəbər verir ki, rəsmi Moskva Kuril adalarında yaşayan Yaponiya sakinlərinə Hokkaydo yaxınlığındakı adalara vizasız gediş-gəliş imkanı verən razılaşmanı ləğv edib.

Rusiya Dövlət Dumasının beynəlxalq komitəsinin sədri Leonid Slutski deyib ki, bu qərar Yaponiya hökumətinin qeyri-qanuni sanksiya təzyiqinə və rəsmi Tokionun Qərbin anti-Rusiya siyasətini dəstəkləməsinə cavab olaraq qəbul edilib.

Xatırladaq ki, Yaponiya İkinci Dünya Müharibəsinin son günlərində Rusiyanın ilhaq etdiyi Kuril adalarını "şimal əraziləri" adlandırır.

Hər iki ölkənin iddia etdiyi adalar hazırda Rusiyanın nəzarətindədir