Hindistan Ermənistana təxminən 250 milyon dollar dəyərində silah və sursat göndərəcək.

ONN media xəbər verir ki, bu barədə “Ekonomik Tayms” məlumat yayıb.

Qeyd olunur ki, sentyabrın əvvəlində iki ölkənin hökumətləri arasında müvafiq müqavilələr imzalanıb. Müqavilələrin dəyəri açıqlanmayıb, lakin məlumata görə, 20 milyard rupidən danışmaq olar ki, bu da dollarla hesablandıqda 244 milyondan çoxdur.

Bildirirlər ki, sifariş yerli istehsal olan “Pinaka” raket sistemlərinin ilk ixracını əhatə edir.

Həmçinin, razılaşmanın bir hissəsi olaraq Hindistan Ermənistana tank əleyhinə raketlər və bir sıra digər hərbi sursatlar da verəcək.