Ukrayna şəhərlərinə zərbələr endirmək üçün Rusiyanı dronlarla təmin edən İran Xarici İşlər Nazirliyi vətəndaşlarını Ukraynanı tərk etməyə çağırıb.

ONN media xəbər verir ki, fepartament belə bir tələbi “hərbi münaqişənin gərginləşməsi” və Ukraynada təhlükə səviyyəsinin artması ilə izah edib.

Müvafiq mesaj İran Xarici İşlər Nazirliyinin rəsmi İnstaqram səhifəsində yerləşdirilib . Bütün iranlılara Ukraynaya səfərdən çəkinmələri tövsiyə olunur.

“Həmçinin, bu elanda Ukraynada yaşayan bütün İran vətəndaşlarına öz həyatlarını və təhlükəsizliyini qorumaq üçün bu ölkəni tərk etmələri tövsiyə olunur”, - mesajda deyilir.

İranlılardan “sakit olmağa” və lazım gələrsə, Kiyevdəki səfirliyi ilə əlaqə saxlamağa çağırılıb.