Hazırda müalicəm davam edir. Allaha şükür, yaxşıyam.

Bu sözləri səhhəti ilə bağlı açıqlamasında Türkiyə Böyük Millət Məclisinin deputatı, Azərbaycan-Türkiyə Parlamentlərarası Dostluq Qrupunun rəhbəri Şamil Ayrım deyib.

“İnşallah, 10-15 gün içərisində xəstəxanadakı müalicə müddəti tamamlanacaq. Səhhətimlə maraqlanan, zəng edən, ziyarətimə gələn hər kəsə təşəkkür edirəm”, - Ayrım bildirib.

Qeyd edək ki, oktyabrın 20-də Türk Dövlətləri Təşkilatının Ağsaqqallar Şurasının sədri, Ədalət və İnkişaf Partiyasının (AKP) sədr müavini Binəli Yıldırım və Türkiyə Böyük Millət Məclisinin AKP-dən olan deputatı Şamil Ayrımın olduğu avtomobil Zəngilan hava limanına gedərkən avtomobil qəzasına düşmüşdü.