Sosial şəbəkələrdə müğənni Rüfət Axundovun avtomobil idarə edərkən Mərdəkan-Zaqulba yolunda müəyyən olunmuş sürət həddini aşması ilə bağlı görüntülər yayılıb.

ONN media xəbər verir ki, Mərdəkan şosesi-Zuğulba yolunda hərəkətdə olan Axundov 90 sürət həddini 127 km/saat sürətlə aşıb. O, həmin görüntüləri sosial şəbəkə hesabında paylaşıb.

Bakı şəhər Dövlət Yol Polisi İdarəsindən Globalinfo.az-a bildirilib ki, R.Axundovun idarə etdiyi avtomobil yol polisi əməkdaşları tərəfindən saxlanılıb və müvəqqəti mühafizə olunan duracağa yerləşdirilib.

Toplanmış material hüquqi qiymət verilməsi üçün məhkəməyə təqdim ediləcək.