Türkiyə ordusu şəhid verib.

ONN media TRT-yə istinadən xəbər verir ki, bu barədə Türkiyə Milli Müdafiə Nazirliyi məlumat yayıb.

Habip Murat Alp "Pençe-Kilit" əməliyyatı bölgəsində axtarış və yoxlama fəaliyyəti zamanı terrorçular tərəfindən açılan təcavüz atəşi nəticəsində şəhid olub.

"Bizə dərin ağrı və hüzn yaşadan bu hadisədə həyatını itirən əziz şəhidimizə Allahdan rəhmət, kədərli ailəsinə, Türk Silahlı Qüvvələrinə və soylu millətimizə başsağlığı, səbr diləyirik”, - deyə nazirliyin açıqlamasında vurğulanıb.