"Pençe-Şimşek" əməliyyatı bölgəsində separatçı terror təşkilatı tərəfindən edilən hücum nəticəsində bir türk əsgəri şəhid olub, biri isə yaralanıb.

ONN media xəbər verir ki, bu barədə Türkiyə Milli Müdafiə Nazirliyi məlumat yayıb.

"12 sentyabr 2021-ci ildə "Pençe-Şimşek" bölgəsindəki bir hərbi bazadan çıxan təhlükəsizlik qüvvələrimizə separatçı terror təşkilatı üzvlərinin etdiyi hücum nəticəsində qəhrəman silahdaşlarımızdan biri şəhid oldu, biri isə yaralanıb və o, dərhal xəstəxanaya yerləşdirilib, müalicəsi davam edir. Bizə dərin hüzn və kədər yaşadan bu hadisədə həyatını itirən şəhidimizə Allahdan rəhmət, ailəsinə, Türkiyə Silahlı Qüvvələrinə və millətimizə başsağlığı və səbr diləyirik, yaralı hərbçimizə isə tezliklə şəfa diləyirik" - məlumatda qeyd edilib.