İraqın şimalında bölücü terror təşkilatı PKK-ya qarşı icra edilən "Pəncə-İldırım" Hərəkatı çərçivəsində qumbaraya basaraq yaralanan Türkiyə əsgəri aparıldığı xəstəxanada şəhid olub.

Bu barədə Türkiyə Milli Müdafiə Nazirliyi məlumat yayıb.

"Pəncə İldırım" Hərəkatı çərçivəsində İraqın şimalında əl istehsalı partlayıcıya (qumbara) basaraq yaralanan əsgər aparıldığı xəstəxanada edilən bütün müdaxilələrə baxmayaraxilas etmək mümkün olmadı və şəhid oldu. Bizi dərin bir ağrı və qəmə boğan bu hadisədə həyatını itirən əziz şəhidimizə Allahdan rəhmət, kədərli ailəsinə Türkiyə Silahlı Qüvvələri və zati-aliləri millətimizə başsağlığı və səbir diləyirik", məlumatda bildirilir.

Türkiyənin milli müdafiə naziri Hulusi Akar da şəhid əsgər üçün başsağlığı mesajı paylaşıb. Piyada baş çavuşu Səməd Şəkər üçün paylaşılan başsağlığında nazir yazıb:

"Qəhrəman silah yoldaşımız 6 iyun 2021 tarixində şəhid oldu. İgid şəhidimizə şəxsim və Milli Müdafiə Nazirliyi əmədaşları adından Allahdan rəhmət, kədərli ailəsinə və millətimizə başsağlığı və səbir diləyirəm."