2024/2025-ci tədris ili üçün respublika ali təhsil müəssisələrinin V ixtisas qrupunda Azərbaycan və rus bölmələri, hər iki bölmənin birgə müsabiqəsi üzrə tələbə qəbulu planı və dövlət sifarişi üzrə yerlərin sayı təqdim edilib.

ONN media-nın məlumatına görə, Dövlət İmtahan Mərkəzindən (DİM) bildirilib ki, 2024/2025-ci tədris ili üçün ali təhsil müəssisələrinin V ixtisas qrupunda Azərbaycan bölməsi üzrə 1226 və rus bölməsi üzrə 110, hər iki bölmənin birgə müsabiqəsi üzrə 2675 olmaqla cəmi 4011 plan yeri nəzərdə tutulur.

1584 yer üzrə qəbul isə dövlət sifarişi əsasında aparılır.

Xatırladaq ki, avqustun 9-dan ali təhsil müəssisələrinə ixtisas seçimi başlanıb və 19-dək davam edəcək.