Ermənistanın Gorus şəhəri ilə İranın Kaşan şəhəri tezliklə qardaşlaşacaq.

ONN media xəbər verir ki, bu barədə jurnalistlərə Gorus şəhərinin meri Aruş Aruşanyan məlumat verib.

Onun sözlərinə görə, artıq İranın baş konsulu ilə ilkin razılaşmalar əldə olunub, əməkdaşlığın qurulması istiqamətində əməli addımlar atılıb.

Aruşanyan vurğulayıb ki, Kaşanla tərəfdaşlıq erməni və İran xalqları arasında əlaqələrin möhkəmləndirilməsi üçün yeni imkanlar açacaq.

"Ümid edirik ki, Kaşanla belə əməkdaşlıq İrandan daha çox qonaq cəlb edəcək", - mer əlavə edib.