Paytaxtın Sabunçu rayonunda sakinlər qəribə və xoşagəlməz hadisə ilə qarşılaşıblar. 

ONN media xəbər verir ki, sakinlər iddia edir ki, gecələr naməlum şəxslər "Gülçülük massivi"ndə yaşayan sakinlərin evlərinin damlarını daşlayırlar və mənzillərin qapılarını döyüb qaçırlar. 

Bu barədə sosial şəbəkələrdə görüntülər yayılıb. 

Yaranmış vəziyyət sakinlərdə qorxu və təşviş yaradıb. Onlar atılan daşlar onlara dəyər deyə gecə saatlarında küçəyə çıxa bilmirlər. 

Massivdə yaşayanlar xoşagəlməz halla bağlı polisə müraciət etdiklərini, lakin problemin həllini tapmadığını bildiriblər. DİN-dən BAKU.WS-ə verilən məlumata görə, hadisə haqqında məlumatlıdırlar. Araşdırılaraq, əlavə məlumat veriləcək.