Azərbaycanla Rusiya arasında həmişə strateji tərəfdaşlıq münasibətləri olub. ONN media "Report"a istinadən xəbər verir ki, bunu iki ölkə arasındakı münasibətlərin inkişafı barədə fikir bildirən xarici işlər naziri Elmar Məmmədyarov deyib. “Rusiya bizim böyük qonşumuzdur. İqtisadi nöqteyi-nəzərdən baxanda, bu ölkə nəhəng bazardır. Qarşılıqlı anlaşmaya gəlincə, dil problemimiz yoxdur. Rus dili bizdə millətlərarası ünsiyyət dilidir. Məncə, Rusiya ilə normal, qarşılıqlı faydalı münasibətlərin qurulması Azərbaycan üçün öncül məsələdir”, - nazir vurğulayıb.