Çin Sibiri tutmağa başlayanda Ukrayna aktiv fəaliyyət göstərməyə məcbur olacaq. ONN media xəbər verir ki, bunu “Qlavred”ə açıqlamasında Ukrayna ordusunun ehtiyatda olan general-leytenantı İqor Romanenko deyib. “Rusiya təkcə Sibiri itirməyəcək, o, ümumilikdə tam parçalana bilər. Bunun üçün isə müəyyən şərait formalaşmalıdır. Tarixi təcrübə göstərir ki, heç bir imperiya mövcud olduğu formada qalmayıb. Əvvəl-axır bütün imperiyalar ya dağılacaq, ya da yeni forma alacaq. Bu, Rusiyanı da gözləyir. Söhbət sadəcə zaman məsələsidir. Biz bu andan yararlanmalı və 2014-cü ildə Rusiyanın etdiyi kimi davranmalıyıq. Bu ölkədə situasiya çox çətin və ağırdır”, – deyə o bildirib