ONN media xəbər verir ki, Türkiyənin Cumhuriyyət Xalq Partiyası (CHP) Ali Seçki Komissiyasının (YSK) İstanbul böyükşəhər bələdiyyə sədri seçkisinin ləğvi və yenidən keçirilməsi ilə bağlı qərarını müzakirə etmək üçün fövqəladə toplantı keçirir. CHP millət vəkillərinin dəvət edildiyi toplantıya İstanbul bələdiyyəsinin rəhbəri olduğunu təsdiqləyən protokulu ləğv edilən Əkrəm İmamoğlu da qatılıb.

CHP sədri Kamal kılıçdaroğlu “Çox gözəl şeylər olacaq. Heç kim narahat olmasın. Bu ölkəyə demokratiyanı gətirəcəyik. Mübarizəmiz demokratiya üçün olacaq” deyə bildirib.