Təbriz bazarının bir qisminin yanmasına elektrik cərəyanında qısaqapanma səbəb olub.

ONN media xəbər verir ki, bu sözləri Təbrizin qubernatoru Behruz Məhdəvi bazardakı yanğında zərərçəkmişlərlə görüşü zamanı deyib.

“Aparılan araşdırmalardan sonra bəlli oldu ki, yanğına səbəb elektrik cərəyanındakı qısaqapanma olub. Burada 125 mağazanın 50-100 faizi yanıb. Yanan mağazalardan yalnız 90-ı sığortalıdır”, - o bildirib.

Qeyd edək ki, Təbriz bazarındakı yanğın mayın 8-dən 9-na keçən gecə baş verib. UNESKO-nun siyahısında olan bu tarixi abidə dünyanın ən qədim və böyük örtülü bazarı hesab edilir.axar.az