ONN media xəbər verir ki, hadisə Madya Pradeş vilayətində baş verib. Ailəsinin verdiyi məlumata əsasən, Furkan Kureyşi adlı uşaq Nimaç qəsəbəsindəki evlərində günorta yeməyi yedikdən sonra mobil telefonda “PUBG” oynamağa başlayıb. Oyun 6 saat davam edib. Uşaq çox əsəbi olub və digər oyunçulara qışqırıb. Onun bacısı Fiza isə deyib: “Qardaşım dostları ilə oynayırdı. Birdən “partladın, partladın” deyə qışqırdı. Sonra qulaqlığı və mobil telefonu yerə atdı, ağlamağa başladı. “Sizinlə bir də oynamayacam, sizə görə uduzdum” dedi”. Furkan sonradan yerə yıxılıb. Onu həkimə aparsalar da, yolda keçinib. Həkimlər bildiriblər ki, oyun həyəcanı adrenalinin artmasına səbəb olub. Bu isə infarktla nəticələnib. Uşaqlar bu tip oyunlardan uzaq olmalıdırlar.(ölkə.az)