Fransada "Sarı jiletlilər" müntəzəm etiraz aksiyaları keçirib. ONN media xəbər verir ki, nümayişlərdə Paris və regionlardan 9,5 min nəfərdən çox adam iştirak edib. Parisdəki nümayişlər həftə sonu sakit məcrada davam edib. Polislə etirazçılar arasında heç bir qarşıdurma yaşanmayıb. Nümayişçilər ənənəvi olaraq "sosial və vergi ədaləti", enerji qiymətlərinin artımına və Fransa prezidenti Emmanuel Macronun istefasını tələb edən şüarlar səsləndiriblər. Bildirlir ki, şənbə günü Fransada elektrik enerjisinin qiymətləri 6 faiz qaldırılıb.