Ermənistanın Tavuş vilayətində içməli sudan kütləvi zəhərlənmə olub. ONN media  xəbər verir ki, bu barədə Ermənistan Fövqəladə Hallar Nazirliyi məlumat yayıb. Məlumata görə, 15 nəfər zəhərlənmə ilə bağlı xəstəxanaya müraciət edib. Onların 11-i uşaq və yeniyetmədir. Bildirilib ki, zəhərlənənlər Cucevan, Koti, Bağanis, Voskevan və Koxb kəndlərinin sakinləridir. Onlarda zəhərlənmə və bağırsaq pozğunluğu simptomları olub. Hazırda zəhərlənənlərdən 8-i evə buraxılıb, qalanların isə vəziyyəti kafi qiymətləndirilir.(axar.az)