8 Mart Beynəlxalq Qadınlar Günü gül bazarında da xüsusi bir canlanma yaradıb.

ONN media Sfera.az-a istinadən bildirir ki, bazarda gül qiymətləri 50 qəpiklə 400 manat arasında dəyişilir.

Bazarda ən ucuz gül nərgizdir. Yerinə görə qiymətlər dəyişilir. Məsələn, Koroğlu metrostansiyası yaxınlığında 1 manata 3 dəstə nərgiz gülü almaq olar. Lakin şəhərin mərkəzində, məsələn, Heydər Əliyev adına Respublika Sarayı, metro Elmlər Akademiyası və s. ərazilərdə isə bu gülləri 1 manat və 1 manat 50 qəpik civarında almaq olar. Səyyar olaraq satılan güllərlə müqayisədə mağazalarda qiymətlər daha da bahadır. Metro Elmlər Akademiyasının ətrafında yerləşən bahalı gül dükanlarında isə buketlərin qiyməti 35 manatdan başlayır. Qablaşmaya görə qiymətlər fərqlidir. Kiçik mağazalarda bu cür qablaşmaların qiyməti 10-15 manat arasında, böyük, bahalı dükanlarda isə qiymətlər 100 manatdan başlayır.

Bahalı, brend mağazalarda ən ucuz güllərdən biri də qızıl güldür. Bir dənəsinin qiyməti 5 manatdır. Bu cür mağazalarda kiçik kağızlara bükülü gülləri 35-50 manata ala bilərsiniz. Daha böyük qutularda qablaşmaların qiyməti isə 120 manatdan başlayır. Ən bahalı gül buketinin qiyməti isə 400 manatdır. Burada hazırda paketdə olan güllərin 10-15 günədək qaldığı bildirilir. Satıcının sözlərinə görə, alıcılıq qabiliyyəti yaxşıdır. O, alıcıların daha çox gənclər olduğunu dedi.

Elmlər Metrostansiyası qarşısındakı yarmarkada isə qiymətlər daha münasibdir. Burada qiymətlər 1 manatdan başlayır. Dibçəkdəki güllərin qiyməti isə 15-20 manatdan başlayır.