Dağlıq Qarabağdakı Rusiya sülhməramlı kontingentinin hərbi qulluqçuları yaşayış məntəqələrinin minalardan təmizlənməsi və partlayıcı obyektlərdən zərərsizləşdirilməsinə davam edir. ONN media  xəbər verir ki, bu barədə Rusiya Müdafiə Nazirliyi bildirir. Qeyd olunub ki, sülhməramlılar Qarabağda 24 minə yaxın partlayıcı zərərsizləşdirib. “Rusiya sülhməramlıları “Uran-6” müasir robot sistemlərindən istifadə edir. 23 noyabr 2020-ci il tarixindən etibarən aparılan əməliyyatlar zamanı Rusiya sülhməramlı qüvvələrinin mühəndis bölmələri təxminən 859,3 hektar ərazi, 245,8 km yol, 27 sosial əhəmiyyətli obyekt daxil olmaqla, 962 binanı partlamamış hərbi sursatlardan təmizləyib”, - məlumatda deyilir.