Rusiya Müdafiə Nazirliyinin Beynəlxalq Ərazilərinin Minalardan Təmizlənməsi Mərkəzinin mütəxəssisləri Dağlıq Qarabağ ərazisinin minalardan təmizlənməsi üzrə işləri davam etdirir. ONN media  xəbər verir ki, bu çərçivədə 23 noyabr 2020-ci il tarixindən etibarən 20 min 650 partlayıcı obyekt zərərsizləşdirilib. Qeyd olunur ki, Rusiya sülhməramlıları Dağlıq Qarabağdakı ərazilərin mina və partlayıcı obyektlərdən təmizlənməsi zamanı dağlıq ərazilərdə və əlverişsiz hava şəraitində belə yüksək səviyyədə təmizlik aparan müasir robot sistemlərindən istifadə edir. “Aşkarlanan partlayıcı obyektlər və partlamamış döyüş sursatları xüsusi təchiz edilmiş poliqona məhv edilir. Təxliyyəsi mümkün olmayan sursatlar isə bütün lazımi təhlükəsizlik tədbirləri ilə yerində məhv edilir", - Rusiya Müdafiə Nazirliyi bildirib. Rusiya sülhməramlı qüvvələrinin Dağlıq Qarabağdakı mühəndis bölmələri hazırda Xankəndini minalarını təmizləməyə davam edir.