Səsli mesajlar, giflər, şəkillər və bir neçə ay ərzində silinmiş mesajlar bərpa ediləcək

 Android proqramlı telefonlarda "Whatsapp" istifadəçiləri artıq silinmiş mesajları bərpa edə bilərlər. 

ONN media xarici mətbuata istinadla xəbər verir ki, səsli mesajlar, giflər, şəkillər və bir neçə ay ərzində silinmiş mesajlar bərpa edilə biləcək.

Məlumata görə, "Whatsapp"ın 2.18.113 versiyasının istifadəçiləri bundan yararlana biləcək. Bu funksiya 3 ay əvvələdək silinmiş mesajlara şamil ediləcək.

Silinmiş mesajın bərpası o zaman mümkün ola bilər ki, "Whatsapp" istifadəçisi mesaja birləşdirilmiş faylı yaddaşda saxlamış olsun. Əks halda onu bərpa etmək mümkün olmayacaq.

Qeyd edək ki, əvvəllər mesajlar "Whatsapp" serverində 30 gün müddətində saxlanılırdı. Bundan sonra isə birdəfəlik itirdi.