Rusiya və Qərb hələ uzun müddət Suriyadan geri çəkilməyəcək.

ONN media xəbər verir ki, Bu sözləri Axar.az-a açıqlamasında politoloq, millət vəkili Rasim Musabəyov deyib. Deputat bildirib ki, böyük güclərin Suriya uğrunda mübarizəsi getdikcə daha da dərinləşəcək:

“Təbii ki, Türkiyənin də öz maraqları var və Ankara öz maraqlarını təmin etmək üçün Suriyada səylərini davam etdirəcək. Eyni zamanda, Rusiya və Qərb də hələ uzun müddət Suriyadan geri çəkilməyəcək. Düzdür, ABŞ-ın Suriyaya son hücumunda əsas məqsədi bölgədən əvvəlcə Rusiyanı, daha sonra isə İranı çıxartmaq idi. Ancaq Vaşinqton bu istəyi naminə bölgədə Rusiya ilə açıq qarşıdurmaya getmək istəmir. Hər halda ABŞ Suriyadakı hərbi obyektlərə aviazərbələri ilə bunu sübut etdi, ruslara toxunmadı. Hər şey qarşıda ABŞ və Rusiyanın mübarizəsindən asılı olacaq”.