Prezident İlham Əliyev Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların ailə üzvlərinin sosial müdafiəsinin yaxşılaşdırılması ilə bağlı əlavə tədbirlər haqqında fərman imzalayıb.

ONN media bildirir ki, Milli Məclisin Əmək və sosial siyasət komitəsinin sədri Hadi Rəcəbli açıqlamasında bildirib ki, Prezidentin bu fərmanı tədqir olunmalıdır.

Onun sözlərinə görə, bu, çox böyük bir addımdır.

H.Rəcəbli fərmanın nə qədər ailələyə şamil olunacağını da açıqlayıb: “Hazırda bu məsələ ilə bağlı dəqiqləşmə aparılır. İlkin hesablamaya görə, 8801 nəfər ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş insanların ailəsinə şamil olunur. Dövlət büdcəsindən buraya 96 milyon 811 min manat vəsait veriləcək”.