Azərbaycan Respublikasının ərazi bütövlüyü uğrunda həlak olmuş, ölmüş və hərbi əməliyyatlarla əlaqədar itkin düşdüyünə görə ölmüş elan edilmiş hərbi qulluqçuların hər birinin vərəsəsinə birdəfəlik ödənişlərin verilməsi prosesinə başlanılıb.

ONN media xezerxeber.az -a istinadən xəbər verir ki, Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin sektor müdiri Babək Hüseynov bildirib ki, 114 şəhid hərbi qullqçunun 146 vərəsəsinin bank hesabına 11 min manat iki gün ərzində köçürüləcək.

Nazirlik rəsmisi bildirib ki, artıq müraciət etmiş digər şəhid hərbi qulluqçularının da vərəsələrinin sənədlərinə baxılır.

Babək Hüseynov, vəsaitlərin ödənişinin növbəti ildə də davam edəcəyini deyib. Artıq bu məsələ ilə bağlı gələn ilin büdcəsində vəsait nəzərdə tutulub.

[embed]https://www.youtube.com/watch?v=ooXCL7WlKTQ[/embed]