ONN media xəbər verir ki, bugün balaca Zəhranın qətlə yetirildiyi gündür.

 2016-cı il fevralın 13-də Füzuli rayonunun Alxanlı kəndində anadan olan Zəhra 2017-ci il iyulun 4-də Ermənistan silahlı qüvvələri tərəfindən qətlə yetirilib.

Qeyd edək ki, iyulun 4-də saat 20:40 radələrində Ermənistan silahlı qüvvələri tərəfindən Füzuli rayonun Alxanlı kəndi 82 və 120 millimetrlik minaatanlardan və dəzgahlı qumbaraatanlardan atəşə tutulub. Ermənistan tərəfinin bu təxribatı nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olublar. Atəş nəticəsində qəlpə yarası alan 1965-ci il təvəllüdlü Quliyeva Sərvinaz İltifat qızı xəstəxanaya çatdırılaraq əməliyyata götürülüb. Lakin onun həyatını qurtarmaq mümkün olmayıb.

Xatırladaq ki, Ermənistan-Azərbaycan, Dağlıq Qarabağ münaqişəsi nəticəsində 193 Azərbaycanlı körpə Erməni vandalları tərəfindən qətlə yetirilib. 61 uşaq itkin düşüb, 27-si isə hələ də əsirlikdədir.