Yeni il bayramı ərəfəsində bölgələrdə ətin qiyməti ucuzlaşıb.

ONN media xəbər verir ki, əsas ucuzlaşma iribuynuzlu heyvanlarda müşahidə edilir. Bölgələrdəki ucuzlaşmanın paytaxtdakı satış qiymətlərinə də təsir etməsi gözlənilir. Ən çox heyvan satışının olduğu bölgələrdən biri olan Bərdə və ətraf rayonlarda qiymətlər son günlər xeyli düşüb.

Ətin qiymətində 1 manata qədər enmə müşahidə edilib. Qəssablar qiymətlərin düşməsini bazarda diri heyvanların ucuzlaşması ilə əlaqələndiriblər. Bölgələrdəki bu ucuzlaşmanın yaxın günlərdə paytaxtdakı satış qiymətlərinə də təsir etməsi gözlənilir. Quzu və qoyun ətinin qiyməti isə dəyişməz olaraq qalır. (Xezerxeber)