Azərbaycan Televiziyasının “Mədəniyyət” kanalı Dənizkənarı Bulvar İdarəsi ilə birgə “Bakı əziz şəhər” adlı yeni layihəyə start verir.  ONN media xəbər verir ki, kanalın direktoru Ramil Qasımov bildirib ki, bu layihə dekabrın 29-da start götürəcək: 

“Yaradılan bu gözəlliyə və şəraitə görə, dövlətimizə təşəkkür edirik. Dənizkənarı Milli Bulvar İdarəsi ilə düşünülmüş yeni layihə zənnimcə  ölkəmizin mədəni-siyasi həyatında bir hadisəyə çevriləcək. Layihə çərçivəsində ilk konsert proqramı Dünya Azərbaycanlılarının Həmrəylik günü münasibəti ilə "Yeni il gəlir" konsert proqramı olacaq.

Layihənin 29-u tarixində start götürməsi heç  də təsadüfi deyil. Belə ki, 20 il bundan öncə sevimli Bulvara milli statusu məhz bu tarixdə verilib. Əlbəttə, bu cür layihələrin təşkili mədəniyyətimizin təbliği və gənc istedadların üzə çıxmasına zəminlik yaradır”.