Təyyarələrin uçduğu yüksəklik artdıqca radiasiyanın miqdarı da artır.

ONN media Publika.az-a istinadən xəbər verir ki, belə qənaətə Amerika Milli Kosmik Agentliyinin (NASA) alimləri gəliblər.

Təyyarədə səyahətin insan sağlamlığı üçün təsirlərini araşdıran NASA-nın radiasiya mütəxəssisi Eddie Semonesin sözlərinə görə, yüksəklik artdıqca insanların qəbul etdiyi radiasiyanın miqdarı da artır.

"Bu yüksək enerji yüklü parçaları gözlə görmürük. Kosmik işıqlar və ya kosmik radiasiya olaraq adlandırılan bu parçalar zəif sürətlə hərəkət edən dəmir və nikel atomları dənəcikləridir", - o deyib.

E.Semonesin sözlərinə görə, kosmik radiasiyaya məruz qalma çox da böyük risk daşımır, lakin yüksəklik artdıqca təhlükə artır.