Ukraynanın şərqində Elenovka kəndi və Donetsk hava limanı yaxınlığında bombardman səsləri eşidilib.

ONN media xəbər verir ki, bu barədə “Reuters” informasiya agentliyi məlumat yayıb.

Ukraynanın Donbass bölgəsində Rusiya tərəfindən dəstəklənən separatçılar hökumət qüvvələrini son 24 saat ərzində 4 dəfə atəş açmaqda ittiham edərək, hücumlarda ölən və ya yaralananların olub-olmadığını müəyyənləşdirməyə çalışdıqlarını bildiriblər.

Bu iddiadan sonra Ukraynadan açıqlama gəlib. Bəyanatda separatçıların mövqelərinə hücum iddiaları rədd edilib. Ukrayna ordusu da ittihamları rədd edərək, əsl üsyançıların Ukrayna ordusuna atəş açdığını bildirib. Separatçıların Luqanskda kəndə hücum etdiyi açıqlanıb.
İddia edilən hücumun miqyası barədə məlumat yoxdur.

Ukraynada və ölkənin şərqində münaqişələrin monitorinqi ilə məşğul olan Avropa Təhlükəsizlik və Əməkdaşlıq Təşkilatından (ATƏT) hələlik heç bir açıqlama verilməyib.