Şimali Koreyalı nazir Ri Yon-honun Bakıya, daha sonra Rusiyaya səfəri, həmçinin ölkə rəhbəri Kim Çen Inın keçən həftə baş tutan Çin ziyarəti bu ölkənin digər ölkələrdən dəstək əldə etmək arzusu ilə bağlıdır.

ONN media xəbər verir ki, bu barədə politoloq Zərdüşt Əlizadə  açıqlamasında bildirib.

Onun sözlərinə görə, bu, Inın Trampla görüşü ərəfəsində, ölkənin siyasi quruluşu və denuklerizasiya haqqında danışıqlarda hərbi təhlükənin aşağı salınmasını təmin etmək üçün Şimali Koreyaya lazımdır.

“Putinin dəstəyi Ina, həqiqətən, lazımdır, xüsusən də ona görə ki, Rusiya Federasiyasının başçısı ABŞ-a səfər etməyə hazırlaşır”, - ekspert qeyd edib.

Şimali Koreyanın XİN başçısının Bakıya səfərinə gəldikdə isə, politoloq bildirir ki, bu iki səbəblə bağlı ola bilər:

“Birinci, Şimali Koreyanın Inın mövqeyinin dəstəklənməsi hərəkatını mobilizasiya etmək arzusudur. İkinci, rəsmi Pxenyan Azərbaycanın Şimali Koreyada müxtəlif iqtisadi layihələrə sərmayə qoymasını istəyə bilər”.

Ekspert vurğulayıb ki, Şimali Koreya başçısı, hər mümkün olanı deyil, hər istədiyini edən liderlərdən biridir.

“Çox güman ki, onun müxtəlif ölkələrə səfər etməsi məhz bu səbəbdən xoşuna gəlib və yaxın perspektivlərdə o, Moskvaya və ya Bakıya gələ bilər”.